Goodbye Franzen

Gihunong na ang botasyon labot sa kung kinsa between Cassandra Ponti ug Franzen ang palayason gikan sa balay sanglit hugtanon nang ni desisyon si Big Brother nga ang naulahi maoy iyang hinginlan ugmang adlawa.

Kini may kalabutan sa lain na usab nga kalapasan nga nabuhat ni Franzen niadtong Lunes sa gabii atol sa ilang pag-istorya ni Jason nga maoy iyang suod nga higala sulod sa big brother house.

Kahinumduman nga gipatawag si Franzen sa confession room og gipangutana ni big brother unsay iyang pilion between pagdaug og P5 million o ang mahimong sikat nga artista diin honest as he is, gipili sa nahisgutan ang naulahi.

He was told by big brother nga dili manabi ni bisan kinsa kon unsa ang ilang giistoryahan sulod sa confession room apan subling wala makapugong si Franzen og iyang gibato ang susamang pangutana ngadto kang Jason.

Una niini, under investigation usab si Franzen sanglit nasakpan kini nga nagsinyas sinyas kang Cass dayong suwat suwat sa papel diin tataw kini nga usa ka violation hinungdan nga gikonsulta sa mga kadagkuan sa show ang Endemol nga maoy nagmugna sa Pinoy Big Brother.

Si Cass nga naluoy sa pamilya ni Franzen ni boluntaryo nga maoy mobiya sa balay busa namugna ang botasyon tali kanilang duha diin ang kaugmaon nila naglatay sa desisyon sa publiko.

Apan gumikan sa nahitabo niadtong Lunes naupos na ang pasensya ni Big brother ug niluwat sa desisyon nga hinginlan na sa hingpit si Franzen karong Sabado sa gabii.

Samtang daghan ang naglibog nganong padayong nagmagahi si Franzen, ang uban nagduda kon tinoyo ba kini aron makaangkon og atensyon o tinood nga gimingaw na siya og maayo sa iyang pamilya.