Wowowee mutay-og sa Sugbu

Gitay-og sa sikat nga game show sa abs-cbn - ang Wowowee -ang Sugbu diin sukad pa niadtong Miyerkules nagsugod na og punsisok ang mga tawo sa lagoon sa Ayala Center.

Tuyo sa maong mga tawo nga naggikan pa ang uban sa Samar ug Davao mao ang pamasin nga malakip sa 50 ka mga players nga maoy moduwa sa "Pera o Bayong" segment og mamahimong milyonaryo.

Niadtong Huwebes hingpit na gyud nga nagtapok ang mokabat sa 30, 000 ka mga tawo nga nag-ilogay og linya aron makauna pagparehistro.

Karong Sabado sa udto makita ang nilawas nga pasundayag sa Wowowee diha sa South Surface Parking Area sa Ayala Center diin naa usab ang mga hosts nga sila Willie Revillame, Iya Villania, Janelle Hammer ug Kat Alano.

Daghan pang mga artista ang gipaapot nga makita in person atol usab sa maong pasundayag diin total entertainment ang gisaad sa producer sa maong show sa ingon matay -og ang Sugbu pinaagi sa kamaya ug kasadya.