Katumanan sa damgo ni Miss International

Masaksihan na sa mga Pilipinhon ang labing bililhon nga bahin sa kinabuhi ni Lara Quigaman pinaagi sa usa ka two in one television special karong Domingo November 13 after sa Da-di-de-du-do sa GMA-7.

Yes the much awaited Miss International Beauty Pageant nga didto sa Japan gipahigayon ug naghatag og laing garbo sa Pilipinas ipasalida na sa Kapuso network via a tv special.

Makita unya ang highlights sa maong pageants sama sa swimsuit competition, long gown, national costume, question and answer portion ug syempre ang grand coronation.

Masaksihan usab ang kasaysayan sa kinabuhi ni Lara lakip na kon kanus-a siya nagsugod pag-apil sa mga beauty pageants since high school pinaagi sa interview unya ni Pia Guanio.

Ipakita usab sa maong special unsa ang pagpangandam nga gihimo ni Lara aron hatagan og katumanan ang iyang damgo and of course dili usab kalimtan ang panahon dihang nahimo siyang first runner up sa TV Babe search sa Eat Bulaga.

As bonus duna usay feature kalabot sa lain pang mga Bb. Pilipinas nga nahimong Miss International sama nilang Melanie Marquez, Gemma Cruz Araneta ug Aurora Pijuan.