Mga Santos sa showbiz

Sa pagsugod sa year 2 sa "Pinoy Pop Superstar" nahimo dayong kampyon sa pipila ka semana si Harry Santos nga maoy nakapa- qualified kaniya isip finalist sa maong programa nga ang host mao ang Asia's Songbird nga si Regine Velasquez. Ang nakapukan kaniya, way lain kon dili si Gerard Santos, usa ka 16 anyos nga batan-on nga sa wa pa modaog isip defending champion sulod sa upat ka semana nga mao usab ang nakapa-qualify kaniya isip finalist, gihimo lang siyang tigbantay sa iyang mga manghod, kay ang ilang ginikanan, nagtrabaho man sa gabii, busa, matag gabii, si Gerard, maoy magpa "didi" ug magtukaw matag gabii sa ilang kamanghuran. Gipilde si Gerard sa lain na usab nga Santos, si Aicele Santos nga mao karon ang current defending champion sulod na sa pito ka semana. Kini, karon lang panahona, og sa bangga sa awit lang, wa pay, labot sa ubang mga Santos sa showbiz sama kanila ni Vilma Santos, Judy Ann Santos, Jeffrey Santos ug uban pang mga Santos nga dili kaayo mga ilado. Tungod sa gipakitang abilidad karon sa mga Santos sa bangga sa awit, hayag na ang ilang kaugmaon sa showbiz. Gani, sila si Harry ug Gerard, kanunay na mang himoong mga guests sa pipila ka mga programa sa GMA-7 busa, bisa'g dili sila maoy mapiling grand champion, seguro na silang may luna sa showbiz, dugang sa uban pang mga Santos sa showbiz. Tungod gani niini, nakaingon si Regine Velasquez. "Maayo gani, dili Santos ang akong apelyido."