Sam Milby gusto nga mahinanok

Ang gipangandoy karon sa bag-ong crush ng bayan nga si Sam Milby walay lain kondili makapahuway og maayo pinaagi sa hinanok nga pagkatulog sanglit dugay na siya nga wala maka-enjoy sa maong pribeliyo.

Sam admits nga sa dihang didto pa siya sa sulod sa balay ni Big Brother silang tanang housemates wala gyuy tarong tulog sanglit magpaabot man sila pirmi sa mga instructions ni Big Brother.

Busa karon nga gipalayas na siya sa Pinoy Big Brother House gipangandoy gyud og maayo ni Sam nga makatulog una og maayo before niya atubangon ang mga proyekto nga ihikyad unya sa Star Magic sa iyang agianan isip labing bag-o nga talent.

Pursigido si Sam nga makakat-on og tinagalog sanglit kun magsige lang siya og English no way gyud nga mo-click siya sa masa ug labaw na nga limitado ang iyang mga proyekto.

Seryoso gyud ang Fil-Am nga mosikat isip artista ug singer busa he hired a tutor nga maoy motudlo niya og tagalog sa ingon in due time mahaniti na unya siya sa nasudnong pinolongan.

Giangkon niya nga nagkasuod gyud sila og maayo sa mga nahabilin nga housemates bisan og he stayed there sulod lang sa 46 ka adlaw busa gimingaw na siya og maayo sa kanhi niya mga kauban sa balay.