Orange and Lemons in demand

Human sa kalampusan sa ilang "Strike Whilst the Iron is hot" album, ni hataw na og maayo pataas ang ka sikat sa Orange and Lemons band.

Mihumot og maayo ang ngalan sa nahisgutang banda tungod kay matag gabii mabati ang ilang kanta nga giulohan og "Pinoy Ako" nga maoy theme song sa nagkakusog nga Pinoy Big Brother show sa abs-cbn.

Tungod sa makapahimuot nga kalampusan, Universal Records decided nga i-repackage o mas paninduton pa ang 'Strike Whilst the Iron is hot" album pinaagi sa pag-release niini pagbalik.

Of course this time apil na ang sikat nga kanta nga "Pinoy Ako" samtang duna pay laing duha ka bag-ong kanta nga nalakip sa repackaged album nga gipaabot nga mosikat usab og maayo.

Ang nahisgutang mga kanta mao ang "Blue Moon" nga maoy theme song sa Regal Films movie with the same title ug entry sa Metro Manila Film Festival karong Disyembre.

Naa usab ang kanta nga "Abot Kamay" nga maoy theme song sa labing bag-o nga Sunsilk commercial nga gisugdan pagpatukar sa mga radyo niadtong October 23 ug ilusad usab sa telebisyon karong November 6.

As expected gilakip usab ang mga kantang "Heaven Knows" ug "Hanggang Kailan" sanglit mao man kini ang labing sikat ug labing pinaminaw sa tanan after the first release of the said album.

Ang Orange and Lemons band gilangkuban nilang Clem Castro(electric guitar/vocals) Mcoy Fundales (acoustic guitar/ vocals) JM Del Mundo (bass guitar) and Ace Del Mundo (drums).

Naggikan ug nahimugso sa Bulacan, ang Orange and Lemons napiling Best New Artist atol sa NU 107 2004 Rock Awards.