Shan Chai bag-ong horror princess

Si Barbie Xu o mas naila nga Shan Chai ang giisip nga bag-ong Horror Princess of Asia gumikan sa kalampusan sa iyang latest movie nga giulohan og "The Ghost Inside".

Ang nahisgutang movie nipakita og maayong labok sa box office atol sa pagpasalida niini sa nagkalain-laing nasud sa Asya hinungdan nga naangkon ni Barbie ang bag-o niyang title.

Showing na sa Pilipinas ang nahisgutang movie diin bida si Barbie isip inahan kansang anak kanunay'ng gihasul og multo human sila nibalhin og puyo ngadto sa bag-ong condo unit.

Giintriga nga dili original ang storyline sa "The Ghost Inside" sanglit medyo parehas kini sa "Sigaw" nga gibitoonan nila ni Angel Locsin, Richard Gutierrez ug Izza Calzado apan gipanghimakak kini sa mga producers.

Si Barbie una nang naduol sa kasingkasing sa mga Pilipinhon pinaagi sa Meteor Garden nga unang gipasalida dinhi sa nasud few years back ug napanglantawan nga mas higugmaon pa siya pag-ayo human makita sa iyang mga fans ang maong pelikula.