Maja Salvador napuno sa grasya

Duha ka mga projects ang gihimo karon ni Maja Salvador nga kon buot huna-hunaon bulahan na siya kaayo gumikan kay puros mga dagkong artista ang iyang kauban.

Apil si Maja sa "Sukob" ubos sa Star Cinema sa direksyon ni Chito diin bida siya uban ang duha ka big-stars nga sila si Kris Aquino ug Claudine Barreto.

Si Maja nga nahinabi sa Cebu Press didto sa Lighthouse Restaurant sa Gaisano Country Mall nitug-an nga ang maong movie medyo follow-up sa "Feng Sui" ni Kris last year.

Papel sa usa ka batan-ong babaye nga dunay "third eye" o binuhat nga dunay katakos nga makita ang dili ingon nato ang role ni Maja niini.

This is Maja's first movie nga iyang naangkon sulod lang sa usa ka tuig ug tunga nga iyang pagpanimpad sa showbiz circle og matud pa niya she is so blessed.

Samtang nagpadayon na ang shooting sa teleserye nga " Sa Piling Mo" ubos sa direksyon ni Rory Quintos ug makita posibli karong Enero sa ABS-CBN.

Bida niini sila si Judy Ann Santos ug Piolo Pascual apan diin usab hatagan og importansya ang love tandem ni Maja ug John Wayne Sace while musulod usab sa eksena ang Star Circle Quest finalist nga si Rafael Martinez.

Anytime soon, sugdan usab ni Maja ang taping alang sa usa ka episode sa "Maalaala Mo Kaya" with no less than star for all season Vilma Santos nga maoy modala sa papel isip iyang inahan.

Recently, si Maja maoy labing bag-ong endorser sa Bobson clothing apparel diin gipaila siya last week kauban si John Lloyd Cruz.