Kon ma-late usahay, pila lang sad kono ka minuto ug kon nagpahibawo man si Angel nga mopahuway una siya, tinuod man sad gyod kono nga angayan sad siyang mopahuway, kay sulod sa pila buwan nga wa gyod intawon siyay pahuway, tungod sa mga tapings niya, shooting ug mga commercials, mga out of town shows ug uban pa nga wa na gani siya'y katulog ug panahon alang sa mga personal niyang kinabuhi.
Mabati ang tingog ni Angel sa usa ka anime nga nag-ulohan og "Initial D' Fourth" diin siya maoy nagdala sa bida isip Tatsumi Fujiwara. Mga duha ka tuig ang nakalabay, sa "Click" diin kaluha siya ni Richard Gutierrez sa maong TV show, gitag-an nang daan, nga mahimo siyang dakong ngalan sa natad sa showbiz.