Sigaw, giswerte og maayo

Nakadaog isip best sound ug best music ang 'Sigaw" nga entry sa Regal Films sa bag-o pa lang nahuman nga Scream Festival didto sa Los Angeles California.

Gawas niini dunay remake ang maong pelikula diin ang nakapalit sa copy rights mao ang New Line Cinema nga nagbase sa Hollywood diin dako og tsansa nga si Direk Yam Laramas lang gihapon ang direktor unya niini.

Una nang namahayag si Yam nga kon siya gihapon ang mapili isip direktor apilon gihapon niya si Izza Calzado kinsa nominado alang sa best supporting actress category sa maong festival.

Samtang nahibalik na dinhi sa nasud si Richard Gutierrez kinsa nitambong sa festival night kauban sila si Yam ug Izza og diretso gilayon siya sa taping sa Sugo.

Buot ipasabot niini nga tinood gyud nga nahilot na ang wala pagsinabtanay ni Annabelle Rama ug sa GMA-7 last week diin nihulga ang atong paisana nga kuhaon niya gikan sa nataran sa Kapuso ang iyang mga talents.

Busa wala makita sa SOP gigsters niadtong Domingo silang Richard Gutierrez, Nicole Anderson ug Katarina Perez.