Areglo gipaabot ni Tony

Hangtod karon gipaabot pa ni direktor Tony Bernal nga makig-areglo kaniya ang manager sa Harbour Babies nga si Ed Manuel. Ang maong pag-areglo may kalabotan sa pag-angkon nila sa titulo sa "Anak Ng Jueteng" movie. Matud pa ni Tony, siya ang may katungod sa paghimog pelikula sa "Anak Ng Jueteng" nga giplanohang pagabidahan sa versatile actor nga si Eddie Garcia.

Sa habig usab ni Ed, miingon siya nga kaniadto pa niyang giangkon ang ulohan nga "Anak Ng Jueteng" nga gimugna sa kompositor nga si Roy dela Cruz para sa Harbour Babies. Apan dili mosugot si Tony nga mahiadto ni Ed ang katungod sa paghimog pelikula sa maong titulo. Busa, gikinahanglan ang areglo.