Lain na ang moduma ni Hero

Dili buot ang GMA-7 Artist Center nga ang igsuoon lang gihapon ni Hero Angeles ang mo-manage kaniya karon nga official Kapuso family member na ang kanhi prized jewel sa ABS-CBN.

Kini maoy usa sa mga kondisyon sa Kapuso ngadto kang Hero gumikan kay ang maguwang niini nga si Henry kinsa maoy nag-manage niya samtang didto pa siya sa ABS-CBN naka-engkwentro ni Christy Fermin tungod sa sobrang pagpanghilabot niini.

Si Hero isip grand questor sa Star Circle Quest automatically became a member of star magic apan gikatahong nagkaproblema ang management gumikan kay ang co-manager niini nga si Henry modawat man usab og offer alang sa iyang manghod.

Imbis nga sa 2007 pa mo-end ang kontrata ni Hero sa ABS-CBN gibuhian na kini sa Kapamilya hinungdan nga tua na siya karon sa nataran sa Kapuso nanimpad diin nakahuman na siya og mini-series kauban sila si Mark Herras ug Pauleen Luna.

Ang nahisgutang mini-series adto ipasalida sa QTV-11 nga pagadumalahon sa GMA-7 sugod sunod buwan diin hataw usab ang tsika nga si Hero na ang himoong ka-loveteam ni Jennylyn Mercado sanglit hingpit na nga nakigbuwag ang naulahi kang Mark.