Maayo pa kono si Isabel, nakaila niya

Taga Labangon gyod kono si John Rey Baricuatro, ang kanhi dancer ni Jack Rallos sa Alcora Dancers apan sa dihang gipangutana siya kon nakaila ba siya kang Isabel Oli, miingon siya nga wa siya makaila. Nangutana pa gani kini kon kinsa kana si Isabel Oli. Sa dihang gipangutana pod nako si Kim, ang kanhi dancer ni Jack Rallos nga anaa sa pelikulang "Masahista" kon nakaila ba siya kang John Rey Baricuatro, miingon si Kim nga nakaila siya kang John Rey nga karon, usa na ka top earner sa First Quadrant. Giingnan nako si Kim nga wa makaila si John Rey kang Isabel Oli, miingon si Kim nga maayo pa kono si Isabel Oli, nakaila kang John Rey ug dili malimot si Isabel kang John Rey Baricuatro kay nagkakauban kono sila og sayaw. Miingon si Kim nga, tingali tungod kay, Olivia Daytia man kaniadto si Isabel Oli sa kauban pa sila sa USJ-R, ug ang Isabel, nakuha sa iyang commercial sa Max Fried Chicken ug ang Oli gikuha sa iyang first name nga Olivia. Tingali dili sad diay motan-aw si John Rey Baricuatro sa "Sugo," og miangkon usab si John Rey nga dili siya hinan-aw og TV, mao nga, bisan gani si Jerome Sala sa pag-adto sa Robinsonson's, gidani niyang dad-on sa First Quadrant, wa siya makaila nga "Star In A Million" diay.