Indyanera diay?

Kaming tulo, si Pahina Central Barangay Captain Atty. Sisinio "Bebs" Andales ug ang bag-o kunong recording artista sa Viva Records nga front act usab ni Sarah Geronimo sa iyang concert niadtong miaging semana nga si Rakki Quijano nga SK Chairlady usab sa Barangay Day-as, maoy mga judges sa usa ka singing contest atol sa piyesta sa Crusaders of Fatima sa Pahina Central.

Usa sa mga pildero matud pa, nakaagi na kuno sa "Search For A Star" kaniadto busa gikahibudngan kon nganong wa makadaog. May nalooy kaniya, kay mohilak raba gyod kuno ni siya kon mapilde.

Buot unta mo-interview kaniya kadtong usa ka sakop sa media ug nagkasabot na sila sa lugar, oras, ug adlaw sa interview, apan nagabhian na lang ang sakop sa media sa pagpinaabot kaniya, apan wa magpakita ang maong talent hinungdan nga nakaingon ang sakop sa media, "indyanera" diay, maong wa padag-a.." Alas 2:00 sa hapon ang ila kunong sabot.