Juday, says good-bye Kapamilya?

Duha-duhaan pa kon mo-renew ba og kontrata ubos sa dos ang junior superstar nga si Judy Ann Santos tungod kay matud pa sa iyang kampo dunay mga saad ang Kapamilya network nga wala matuman.

Una niini mao ang soap opera with Piolo Pascual nga matud pa gisaad nga ipasalida na niadto pa untang Hunyo apan bag-o pa lang gisugdan ang shooting.

Si Juday dunay exclusive contract sa abs-cbn nga mapopos karon pang Mayo 2006 hinungdan nga bisan og ganahan unta kaayo siya nga mosalmot sa Extra Challenge sa GMA-7 iya kining gibalibaran.

Makabungog ang huhungihong karon nga mobiya na si Juday sa kampo sa dos tungod kay duna kini offer from syete diin nindot ang iyang exposure.

Kumpirmado na nga tak-opan ang morning show sa GMA-7 nga "Sis" karong Disyembre ug matud pa usa ka soap opera ang ipuli niini sa syete ug si Juday ang nataypan nga maoy magbida.

Usa ka insider sa kampo ni Juday nipagawas og pamahayag nga kon magkasinabot pagbalik ang abs-cbn posibling per project na lang pirmihan nga contract sa actress aron matagad ang offer from the Kapuso.