Maglagot gyod kong maminaw

Mangayo ko'g pasaylo sa higala nako ug kauban dinhi sa Banat News nga si Leo Lastimosa nga maoy kanunay nakong paminawon matag buntag samtang nagluto ko sa akong pamahaw, kay dunay portion sa iyang programa nga ipabati niya ang duha ka commercials nga maglagot gyod kong maminaw. Ang una ang commercial sa "Beer Na Beer" nga moingong "kitang mga Bisaya, nagkahiusa sa pag-inom sa "Beer Na Beer," unya mo-adlib pa dyod si Leo.

Maglagot ko kay wa man gyo'y mga Bisaya nga paryente nako nga moinom og "Beer Na Beer" sa tinud-anay lang, busa, wa gyod kita magkahiusa sa pag-inom sa "Beer Na Beer". Laing commercial mao ang Sun Valley Cooking oil, ambot kinsay naghimo sa script nga ang customer na hinooy nag-inform sa tindera nga dunay bag-ong maayong cooking oil. Na! Ang tindera wa masayod sa iyang baligya?

Wa sila koyapi? Hinuon, malingaw ko nilang Leo ug nianang broadcaster sa Davao City. Makalingaw sila's Leo nga paminawon. Usahay malingaw pod ko (usahay lang sad, Brgy. Councilor Erlinda Dajao Sayson) nilang Leo ug Homer Sayson. Usahay lang. Usa ka nindot nga commercial ang Visa Card ni Richard Gere sa TV. Nindot kaayo og mensahe.