Nalipay si Rose nga gisunod

Atol sa pagpakig-uban namo kanila ni Mam Rose Gaisano, Sunshine Dizon, ni kanhi movie producer Dorothy Laforteza (mommy ni Sunshine), Julian Cañete ug sa handler ni Sunshine, sa ikaduhang pagdala ni Mam Rose sa mga artista alang sa ika 12 ka tuig sa Gaisano Country Mall (ang una si Nadine Samonte unya, si Sunshine Dizon sila si Valerie Concepcion ug Carlo Aquino), ang ubang kauban nako sa media walay laing gipangutana kon dili, mahitungod ra gyod sa showbiz busa, aron malahi ko, si Mam Rose ang akong girapido og mga pangutana, kay sa tinud-anay lang, sa tanan tingaling mga negosyante, kini ra si Mam Rose maoy mangunay gyod pag-atiman sa mga artista hinungdan nga pinangga sad siya sa mga artista, ug pasalamatan gyod siya niini nila atol sa nagkalain-laing mga programa sa telebisyon. Usa sa akong gipangutana ni Mam Rose mao nga, ang Gaisano Country Mall maoy labing unang nagmugna og dakong negosyo sa Banilad ug gisunod sa uban, wa ba siya maglagot, ug matud niya, nalipay pa gani kono siya nga gisunod sila (kauban niya si Sir Alex), labi na kay dili man tanang matang sa negosyo nga nanuyhakaw sa Banilad, mall, busa ang ubang mga client sa ubang mga negosyo, moadto sa Gaisano Country Mall aron mag-shopping labi na sa mga groceries. - Ace Y. Espinosa