Gikawatan og esena ang mga bida

Sa pelikulang "Undiscovered," namatikdan sa tanan nga daghang mitan-aw sa maong pelikula dili tungod sa mga bida niini nga sila si Pell James ug Kip Pardue kon dili tungod sa ilang co-star nga si Ashlee Simpson.

Ang unang rason kono kon nganong giatangan nila ang maong pelikula, mao nga apil niini si Ashlee kay ilado kono kaayo ang iyang number 1 selling album nga nag-ulohan og "Autobiography," ug sa ilado usab kono kaayong artista nga si Jessica Simpson nga iyang igsuon kinsa, Daisy Duke sa box office hit nga "Dukes Of Hazzard." Si Ashlee, nagsugod isip usa ka dancer ug giisip nga labing batan-ong estudyante sa School of American Ballet. Wa lang damha nga nahimo siyang songwriter nga mikanta sa kaugalingon niyang mga nahimong kanta sama sa "Autobiography" usab nga gihimalitan kaayo.