Desiree ug Luis break na

Makabungog ang mga huhungihong nga buwag na gyud ang lovebirds nga sila si Desiree del Valle ug Luis Alandy tungod kay dunay gikabuangan nga laing babaye ang naulahi.

Third party sa habig ni Luis ang gitumbok nga hinungdan og ang babaye nga gilambigit sa nahisgutang hunk mao ang newcomer nga si Jaymee Joaquin kinsa cast sa gag show nga Bora.

Matud pa nga labihan ka chickboy ni Luis nga maoy naka paupos sa pasensya ni Desiree apan ang nahauna wa pa makabuylo og porma kang Jaymee.

Kini tungod kay nanguyab sad diay sa newcomer si Bernard Palanca apan sama kang Luis dili sad kini maka sirit og pangulitawo tungod pirming magbantay si Rica Peralejo kang Jaymee.

Mokapin pa lang sa usa ka tuig ang relasyong Luis ug Desiree diin nahimugso kini human sa controversial televised "wedding" ni Desiree ngadto sa usa ka lakin-on. - Ryan Mark