Vina Morales, super deny

Labihang naka deny sa Sugbuanong si Vina Morales kalabot sa tsismis nga siya na ang bag-ong uyab ni San Juan Mayor JV Ejercito.

Matud ni Vina walay katinuoran ang maong taho gumikan kay ang real score mao nga suod lang gyud sila nga managhigala ug wala nay lain pa.

Ang tsika mao nga kanunay nga makitang mag uban og kaon ang duruha ug super sweet usab sila nga magkuyog og panuroy sa mga shopping malls didto sa kauluhan.

Apan deny to death si Vina pinaagi sa pag-ingon nga ang ilang pagpanuroy ni JV walay malisya gumikan kay kaniadto pa close friends na sila.

Suma pa niya nga sayop usab ang taho nga uyab sila tungod kay wala siya pangulitawhi ni JV ug labaw sa tanan dili tinood nga sila lang duruha ang manuroy tungod kay they always go out as a group.

Gipalanog usab ni Vina nga wala gyud siyay panahon pa nga makiglambigit sa pagkakaron tungod kay labihan ka puno sa iyang schedule alang sa TV guestings ug out of town shows.