Si Randel usa sa mga masahista sa nahisgutang pelikula, duna siyay hubak busa sa higayon nga iya na untang masahion ang usa ka customer og wala na siyay sapot gi-atake siya sa hubak.
Hinungdan nga nidagan siya padung sa ground floor sa massage parlor nga iyang gitrabahuan aron mangayo og panabang og tungod kay hubo naman siya nakita gyud ang iyang manoy.
Si Ihman Estorco, supervising producer sa pelikula nipatim-aw ngadto sa mga sakop sa Cebu press nga gikinahanglan gyud ang maong eksena sa estorya busa dili kini angayan nga putlon.
Gani matud pa niya approved without cut ang nahisgutang pelikula ug gihatagan kini og R-18 nga rating sa Movie and Television Regulatory Commission Board.
Ang 'masahista" nga maoy launching movie sa ambongan apan controversial nga si Coco Martin nangharos na daan og pasidungog sa nagkadaiyang award giving bodies abroad.
Lakip sa nakadayeg sa maong lilas mao ang mga hurado sa Golden Leopard Award ug Locarno Film Festival sa Switzerland ug daghan pa.