Ang Masahista maoy unang pelikula ni Coco Martin

Ang main star sa Masahista nga si Coco Martin wala mo-deny nga siya maoy amahan sa anak ni Catherine Luna.

Matud pa ni Coco sa milabay'ng gabii sa gipahigayong press conference niadtong Sabado sa gabii didto sa Lola Nitz restaurant Lahug nga wala siya mo-deny nga siya maoy amahan sa anak sa actress.

Ug pagmatuod niini mihatag siya og pinansiyal nga suporta ug sa mga gamit sa bata.

Si Coco nagkanayon nga na-involve sila sa seryosong mga butang ni Catherine hinungdan nga nahitabo ang ilang sitwasyon.

Apan gitataw ni Coco nga wala nay klaro nga magkabalik pa sila ni Catherine tungod kay aduna nay lain nga uyab karon ang actress.

Uban ni Coco si Randel Reyes iyang co-star sa maong pelikula sa nahisgutang press conference para mag-promote sa "Masahista" dinhi sa Sugbo.

Ang Masahista maoy unang pelikula ni Coco diin "Official Selection" kini sa 2005 Toronto Film Festival, midaog usab sa 2005 Locarno International Film Festival Golden Leopard Award sa Video Competition ug Official Selection usab kini sa 2005 Ljublhana International Film Festival.

Gilauman sa mga star sa maong pelikula nga ma- appreciate sa local moviegoers ang maong film diin gihangop kini ngadto sa laing nasud.