Juancho Gutierrez mipanaw na

Kanhi movie actor nga si Juancho Gutierrez mitaliwan na ngadto sa laing kalibutan tungod sa heart failure niadtong Domingo didto sa San Juan Medical Center, Manila.

Si Gutierrez bana sa beteranang actress nga si Gloria Romero kinsa ang ilang bugtong anak mao si Marites Gutierez Balbin diin ang apo niini mao ang teen actor sa ABS-CBN network nga si Christopher Balbin kinsa migamit sa Gutierrez nga screen surname.

Si Gutierrez nagpanuigon og 73 kanhi matinee idol sa fifties ug early sixties.

Si Gutierrez nasulod sa Intensive Care Unit (ICU) sa nahisgutang tambalanan sukad niadtong Septiyembre 26 niining tuiga og namatay sa komplikasyon niini sa diabetes.

Niadtong tuig 2000 nag-antos ang actor sa iyang pagka- stroke diin maoy hinungdan sa pagka-paralysis gikan sa hawak niini paingon sa ubos nga parti sa iyang lawas.

Si Romero ug Gutierrez kanhi mga contract stars sa Sampaguita Pictures ug nagminyo ang duha niadtong Septiyembre 24, 1960 diin gikasal sila didto sa Santuario de San Antonio sa Forbes Park, Makati.