Chin-chin out, Dennis in sa Encantadia

Spog na ang beauty sa environmentalist nga si Chin-Chin Gutierrez sa mga gipilian isip hulip sa papel nga Inang Reyna ni Dawn Zulueta sa number one pantaserye nga Encantadia.

Ang hinungdan mao nga dili gusto og samok ang GMA-7 gumikan kay kung si Chin-chin ang ilang kuhaon dunay posibilidad nga mabulilyaso ang papers niini tungod kay duna man siyay show ubos sa abs-cbn.

Segment host ang premyadong aktres sa Magandang Umaga Bayan diin mohatag siya og mga tips unsaon pag-amoma sa kalikupan via Green Patrol.

Kung out si Chin-chin sigurado na nga in si Dennis Trillo diin matud pa very important role ang ihatag niini alang sa book 2 sa Encantadia gani usa sa mga sangre ang iyang maka love team.

Matud pa nga balibaran unta sa kampo ni Dennis ang maong role sa Encantadia gumikan kay labihan ka puno sa schedule niini apan mipasalig ang production staff sa maong serye nga sila maoy maningkamut aron dili mabalda ang ubang commitments sa aktor.

Kini tungod kay kabahin si Dennis sa Now and Forever (Agos) sa GMA-7 nga magsugod na matag hapon sunod semana ingon man magsugod na usab ang shooting sa pelikulang Blue Moon ubos sa direksyon ni Joel Lamangan.

Excited si Dennis sa ilang reunion ni direk Joel gumikan kay ang naulahi maoy instrumento nga nihakot siya og acting trophies sa festival derbies karon ug last year pinaagi sa movie Aishte Masu 1941.