Precious Lara Q. gidugok sa fans

Gihangop sa mga fans ang pagpauli gikan sa Japan ni 2005 Miss International Precious Lara Quigaman dinhi sa nasud niadtong Lunes sa hapon.

Gidugok ang beauty queen sa iyang mga fans nga misugat kaniya didto sa Ninoy Aquino International Airport (NAIA) diin ang mga sakop sa media wala usab magpalupig.

Hapit motulo ang luha ni Quigaman tungod sa kalipay niini tungod kay wala siya magdahom sa welcome party.

Human sa pila ka minuto nga pakig-uban ni Quigaman sa iyang pamilya nga misugat usab niya ngadto sa NAIA diin misakay kini sa sakyanan nga naghuwat kaniya para sa usa ka motorkada paingon ngadto sa Malacañang para sa traditional courtesy call ni presidente Gloria Macapagal Arroyo.

Ug pagkahuman sa maong courtesy call gi-schedule si Quigaman para sa usa ka motorkada ngadto sa Makati ug Araneta Coliseum sa Cubao Quezon city.

Si Quigaman midaog sa 52 ka mga delegates sa prestigious international beauty title sa milabay'ng semana.