Relasyong Jo-San going strong

Nagkalami ug nagkanindot ang relasyong Joseph Bitangcol ug Sandara Park suma pa sa guwapo nga bayongbayong dihang nahinabi sa Cebu press didto sa Gaisano Metro Colon niadtong Sabado.

"Okay kami mas lalong gumaganda. Gagawin ko po ang lahat para kay Sandara," pong ni Joseph hinungdan nga labihang naka syagit ang ilang mga fans.

Si Joseph kauban ang lain pa nga Star Circle Quest graduate nga si Michelle Madrigal maoy guest celebrities sa Metro Gaisano's "Wish Upon A Car" Christmas promo launching ingon man sa nakalabay nga three-day sale.

Suma pa ni Joseph nga wala niya igsapayan nga murag nahog ra siya ug second choice o panakip butas karon nga gibuhian na sa hingpit sa Star Magic si Hero Angeles.

"Di ko tinitingnan na second choice lang ako. Para sa akin nakita kong tama naman yong naging desisyon nila nuon kasi kami rin naman ni Michelle ang loveteam," pasabot ni Joseph.

Nasayran nga human gi-itsapwera sa Star Magic si Hero kinsa maoy original nga ka loveteam ni Sandara, ang relasyong Sandara ug Joseph na maoy i-build up og maayo sa ilang mother studio.

Matud ni Joseph wala siya mabalaka nga magtago lang luyo sa popularidad ni Sandara gumikan kay nasayod siya nga duna usab siyay ikabuga kong sayaw ug acting ang hisgutan.