Aiko gipasakaan og kasong physical injury

Si actress ug Quezon City councilor Aiko Melendez gipasakaan og kasong physical injury sa usa ka business woman sa milabay'ng adlaw.

Si Madonna Ongpauco mipasangil nga gisiko kuno siya sa actress diha sulod sa usa ka club sa Makati.

Matud pa ni Ongpauco nga ang iyang kuyog nga higala gisiko usab kuno sa actress diin wala gyud kuno mangayo og pasaylo si Aiko sa iyang gibuhat o bisan mosulti og "excuse me".

Ang maong insidente misangpot sa panag-away diin ang bodyguard ni Melendez misumbag sa usa sa higala ni Ongpauco.

Si Ongpauco misang-at sa iyang reklamo ngadto sa Makati Police District.

Ang abogado ni Ongpauco nagkanayon nga ang naulahi kanhi asawa sa kanhi usab boyfriend ni Melendez.

Si Aiko nagkanayon nga gi-insulto siya ni Ongpauco diin gihinganlan siya niini og "baboy".