Makabisita na kono ang mga paryente

Lisod gyod kono ang unang tuig niya sa Manila, matud pa ni Sheryn Regis,kay wa siya'y balay nga kadawatan sa iyang mga bisita labina ang mga paryente niya sa Carcar, pero karon kono, puwede na siyang modawat og mga bisita, labi na ang mga paryente, kay duna na man gyod siya'y ikapagarbong balay, bisa'g dili pa gyod kono sama sa ilang Kuh Ledesma ug Regine Velasquez.

Gitawag na karon si Sheryn ug "The Crystal Voice of Asia," pero pareho kono ni Dulce, bahala na'g way title, basta magustohan lang sa mga tawo ang iyang mga kanta og mga show, igo na. Hinaot magustohan ang bag-o niyang album, "What I Do Best," nga naglangkob sa mga hit songs, "What I Do Best," "Sabihin Mo sa Akin," (theme song sa "Kampanerang Kuba"), "Sa Piling Mo." "On My Own," ug "I Don't Want You To Go." - Kriss E. Relatado / Ace Espinosa