Paabuton na lang ang pagkahingkod

Paabuton na lang una ni Serena Dalrymple ang pagka hingkod nga pagka dalaga una siya modawat og mga projects total hapit na man gyod kuno siya magsaulog sa iyang debut.

Kapin na lang sa usa ka tuig ang iyang paabuton ug misaad kuno si Tito Aga Muhlach niya suportahan gyod siya sa iyang umaabot nga debut.

"Kung hindi kay Tito Aga, hindi naman ako makikilala, di ba?" Dili malimot si Serena nga nailhan siya sa katawhan pinaagi sa Jollibee commercial nila ni Aga Muhlach pila na ka tuig ang nakalabay ug kanunay siyang dad-on ni Aga sa mga kalihokan nga may kalabutan sa promotion sa Jollibee labi na ang "Ma-Agang Pasko.."

Gipaluyohan usab sa Jollibee ang mga mall tour ni Aga nga may kalabutan sa pelikula niyang "Dubai" nga gikatakda sa Septiyembre 28.