Mobalhin sad si Carlo sa GMA?

Kun dili tinuod nga nagkabalik na sila si Carlo Aquino ug Angelika Panganiban, kana tungod gyod kono kay dili man gyod motoo si Angelika Panganiban nga walay relasyon sila si Carlo Aquino ug Camille Prats kinsa, anaa na karon sa GMA ug gani, mosunod na sad gyod kono si John Prats sa iyang manghod.

Miingon ang pipila ka mga reporters nga wa na gyo'y relasyon sila si Camille ug kanhi hinigugma, Francis Ricafort, kay wa na man sila'y communication, sanglit, tua na man sa laing nasud si Francis, ug kadtong relasyon nila ni Francis ug Camille, puppy love lang gyod.

Tungod niini, gibanabana na nga sa dili madugay, mobalhin gyod si Carlo Aquino sa GMA, dili lang tungod kang Camille tungod usab kang John nga suod niya kay, banhawon nila ang ilang trio ni Stefano Mori og kay wa na man si Stefano, mangita sila'g laing ipuli nga, S gihapon ang sugod sa ngalan aron JCS Trio lang gihapon.