Dili tiaw ang kalipay ni Sarah

Dili kuno tiaw ang kalipay nga gibati ni Sarah Geronimo nga wa siya balibari ni Piolo Pascual nga ikauban niya sa umaabot niyang concert sa Teatro Casino sa Waterfront Hotel-Lahug karong Septiyembre 30,kay magdadayeg man gyod kono siya ni Piolo Pascual dili lang isip usa ka artista kon dili, isip usa ka singer, ug isip usa ka higala og pagka maayong tawo.

Mahinumduman nga sa mini concert ni Piolo Pascual nga didto ipahigayon sa Entertainment Plaza niadtong buwan sa Mayo, human siya nahimong guest performer usab sa koronasyon sa Miss Mandaue 2005, gidayeg pag-ayo si Piolo kay gihatagan pa niya'g higayon ang mga kabataan nga ilo diha sa Mambaling.