Pagarbo sad ni Mother Lily

Mibawos pod si Mother Lily Monteverde sa mga angkon sa mga taga Star Cinema nga bisa'g ang uban nilang mga pelikula dili maoy mga box office hits, pero mga de kalidad, ug miingon si Mother Lily, bisa'g mikita ang pelikula sa GMA-7, dili sila makapagarbo kay wa pa moabot gani ug usa ka dose ang nahimong pelikula sa GMA, ug kon makapagarbo man usab ang Star Cinema sa mga de kalidad nga mga pelikula, daghan pod kono siya'g nahimong mga de kalidad nga pelikula og mihakot og mga awards.

Gipagarbo pod ni Mother Lily nga siya ang naka build up sa mga Gutierrez siblings nga sila si Ruffa, Richard, Tonton ug uban pa. Gani, nagka kauban sila si Eddie Gutierrez ug Rufa sa pelikulang "Loveboat" nga dinhi ang shooting sa Cebu apil na ang Rama Compound, nga daghan usab nga mga Bisayang mga artista nga nakaapil pila na ka tuig ang nakalabay diin, si Susan Roces ang leading lady ni Eddie, ug giapilan usab nila ni Lotlot de Leon, Ramon Christopher ug pila ka mga seniors stars.