Mga ebidensya batok ni Philip

Minilyon ang kantidad sa mga alahas ang gipakita ni Christina Decena ngadto sa korte sa milabay'ng adlaw para sa paglig-on sa kaso nga iyang gipasaka batok ni Philip Salvador.

Matud pa ni Decena nga ang maong mga alahas gamiton ni Ipe dihang nag-ipon pa sila.

Gipamatud-an ni Decena nga si Ipe dunay access sa maong mga alahas tungod sa dako niyang pagsalig sa actor.

"Pinakita ko talaga lahat to show na malakas ang tiwala ko sa kanya dati," ni Decena pa.

Mokabat sa P20 milyones ang kantidad sa nahisgutang mga alahas.

Si Ipe wala mohatag sa iyang komento sa bag-ong mga ebidensiya nga gipakita.

Apan matud pa sa abogado ni Ipe nga si Atty. Verano nga lain-lain ang gibuhat nga istorya ni Decena.