Sulondon kuno si Aga

"Kung gusto ng isang artista na manatiling sikat sa industriya, tingnan lang si Kuya Aga. Si Kuya Aga ang salamin ng isang taong dapat sundin."

Mao kini ang giingon ni John Lloyd Cruz niadtong press conference nga gipahigayon didto sa usa ka pribadong lawak sa PAGCOR niadtong Biyernes sa hapon sa may alas 3:00 ang takna diin, kauban usab nila ni John Lloyd si Pokwang, kay nag-promote sila sa pelikulang "Dubai."

Ang batan-on ug maanyag nga TV host nga si Neda Avedente maoy host sa maong tulomanon. Miingon si John Lloyd, dili kuno makiangayon kun ingnong nakakuha siya og mga acting tips gikan ni Aga, apan matud niya, angayang sundon ang attitude ni Aga sa trabaho, kay bisa'g ilado na ang pamilya sa natad sa showbiz, hinungdan nga wa maglisod sa pagsulod niini, nagpabilin ang ka maayo sa attitude ngadto sa iyang trabaho ug ngadto sa iyang isig katawo.