Jasmine Trias og Jericho Rosales na?

Padayon na karon ang negosasyon tali sa handlers sa Fil-American idol Jasmine Trias og sa kampo ni Jericho Rosales alang sa plano nga pareson ang duruha sa usa ka romance movie.

Gikatahong dunay tulo ka movie offers nga nadawat ang kampo ni Jasmine sa pagkakaron diin lakip na niini ang proposed team up nila ni Jericho.

Suma pa nga sa dihang gitanyag ngadto kang Jasmine ang maong pelikula dili kaayo interesado ang singer apan sa kadugayan nagpanikad na kini human niya madiskubrehe unsa kasikat si Jericho dinhi sa nasud.

Laing offer ngadto kang Jasmine mao ang usa ka Hollywood movie diin makauban niya ang sikat nga young pop star nga si Hillary Duff.

Gumikan sa nagkadaghan nga offer naglibog na si Jasmine hain niini ang iyang dawaton busa iyang gisangon ang tanan ngadto sa iyang handlers aron maoy modesisyon.

Pagkakaron super busy si Jasmine sa promotion sa iyang album nga giuluhan og "Excuses" nga nagsugod na karon pagsaka sa music billboard charts didto sa Estados Unidos.