Rico Barerra in demand

Swerte kon buot huna-hunaon ang pagkapalayas kang Rico Barerra gikan sa Pinoy Big Brother House gumikan kay giuwan siya og offer ning panahona.

Una niini papirmahon og six-month contract ubos sa Star Magic ang fast rising actor diin ipasalida sa "Maala-ala Mo Kaya" ang kasaysayan sa iyang kinabuhi.

Gusto unta ni Rico nga siya maoy mo-portray sa iyang kaugalingon apan ang production staff wala muoyon hinungdan nga si Jericho Rosales maoy modala niini.

Gipapirma usab og usa ka tuig nga kontrata si Rico isip endorser sa Pinoy Big Brother diin siya maoy mo-host sa umaabot nga aktibidades sa nahisgutang show.

Gumikan sa iyang gitas-on nga 5'10 kumbinsido ang kadaghanan nga leading man material si Rico busa expected na nga magmalambuon ang career niini sa showbiz kon dili lang modako ang iyang ulo.

Sa mga nahabilin sa Pinoy Big Brother house gusto ni Rico nga si Racquel maoy sunod nga palayason gumikan kay matud pa hawod-haworon kini samtang buot niya nga si Franzen ang mogawas nga mananaug.