Gary Estrada pang international na

Nahuman na ang shooting sa international projects ni Gary Estrada nga naglakip sa usa ka telenovela nga adto sa Malaysia ipasalida samtang duna usab siyay movie nga British actress ang iyang kauban.

Walay apil sa "Mulawin" the movie si Gary apan wala kini niya igsapayan gumikan kay mas busy man siya sa mga international projects.

Two months nga nagtrabaho ubos sa usa ka Malaysian outfit si Gary usa ka buwan kini nga gi-shoot didto sa nahisgutang nasud samtang laing usa ka buwan nga dinhi gihuman ang ubang esena alang sa maong telenovela.

Papel sa usa ka politiko ang gihatagan og kinabuhi ni Gary ning maong proyekto diin usa ka Malaysian top model ang iyang leading lady.

Ang lilas diin nakauban niya ang usa ka British actress didto gi-shoot sa Calatagan Batangas diin dili pa detalyado kon unsa ang plot niini gawas nga usa ka love triangle ang mahimong dagan sa estorya.

Duna pa usay laing British network nga nakig-negotiate kang Gary alang usab sa lain pang soap opera.