Karylle ug Dingdong sekreto kunong nagpakasal?

Nakugang ang 24-anyos nga singer actress nga si Karylle sa migawas nga mga tsismis nga siya ug ang uyab niining si Dingdong Dantes sekretong nagpakasal ngadto sa Las Vegas.

Gihimakak sa actress ang maong tsismis diin matud pa niini nga niadto sa Las Vegas si Dingdong para makigkita sa iyang apohan didto.

Pwerte kahimoot ni Karylle sa pagkadungog sa maong tsismis.

Lima na ka buwan nga mag-uyab si Karylle ug Dingdong diin daghan kaayo ang nagdahom nga hilom kining nagmenyo didto sa U.S. tungod kay mikabat og pila ka semana una sila mibalik dinhi sa nasud.