Anna Leah ikiha sa Viva

Gitun-an na karon sa Viva Films ang posibilidad nga sagpaon nila og kaso ang kontrobersiyal nga Hotbabe nga si Ana Leah Javier gumikan sa kagahi og ulo ingon man kasupakira niini.

Kini gumikan kay isip miyembro sa all-female group nga Hotbabe, ang Viva lang ang dunay katungod nga makigkontrata alang sa mga projects ni Ana Leah isip usa sa ilang mga talents.

Apan matud pa kanunay nga makignegosasyon si Ana Leah nga siya lang ug dili magpahibawo sa Viva diin kanunay kining mabulilyaso.

Ning bag-o lang nakontrobersyal si Ana Leah human niini iatras ang iyang gisang-at nga sexual harassment case batok kang Zambales representative Antonio Diaz.

Nahimo usab siya nga sumsuman sa tsismis human namantala ang iyang hulagway nga nakighawok kang MMDA Chairman Bayani Agbayani ibabaw sa entablado atol sa usa ka pasundayag didto sa kaulohan.

Nagkanayon ang Viva nga dako gyud unya kini nga labad sa ulo ni Ana Leah busa mas maayo nga makig sulti siya sa iyang mother studio aron mahusay ang problema.

Ang Viva hotbabe mao ang grupo diin ang labing sikat nga mga miyembro naglakip kanilang Maui Taylor kaniadto, Katya Santos ug Andrea del Rosario.