Wa kuno mag-apil apil si Annabelle

"Kinsa na man sad ang nag-intriga ana? Nganong mag-apil apil man sad si Annabelle? Ang tinuod, wa pa sad ko makakita sa maong magazine, pero giingnan na kong Annabelle nga dili law-ay ang pose ni Richard sa giingong nagpa sexy siya sa maong magazine. Nag-long pants pa man gani kuno. Pero wa gyod mag-apil si Annabelle..."

Mao kini tubag ni kanhi konsehal George Rama igsoon ni Annabelle sa akong pangutana kon tinuod ba ang intriga nga si Annabelle o ang GMA bay naningkamot nga si Richard ang ikabutang sa cover sa maong magazine.

Hinuon, miingon si George Rama nga konsultahon gyod si Annabelle sa iyang anak ug sa manager niini nga si Douglas Quijano kon dunay mga ingon niini.

Si Annabelle ang manager ni Richard para sa telebisyon ug si Douglas maoy manager ni Richard alang sa mga pelikula, pero wa gyod kini sila makahisgot nga gipaninguha nilang si Richard maoy ma-cover.

"Pero kon tinuod sad, ngano man diay, dili sad angayang ma-cover si Richard, nga ilado man, guwapo sad, di ba?" Nagkanayon si kanhi konsehal George Rama.