Francine Prieto hinay mo-decide parte gugma

Way laing giapil si Claudine Barretto sa kiha niya kundi si Joanne Maglipon lang, ang editor-in-chief sa Yes Magazine nga, base sa obserbasyon niya, morag dugay na siyang giinitan for reasons nga siya mismo wa mahibaw. Duna nay kahiubso ang aktres kang Ms. Maglipon katong panahon nga namatay si Rico Yan pero nipadayon siyag hatag ug mga photos ug info niya kung mangayo ni.

Nisamot ang kasuko ni Claudine dihang gi-feature pa ang house niya ug gimention pa ang address ini. For security reasons, gilikayan unta ni sa Yes editor, ingon pa niya.

Katong pagpakita ug pictures sa bunyag sa adopted daughter niyang si Sabina mao nay nakapa-decide ni Claudine nga ikiha na si Ms. Maglipon. Gisaad na niya sa Star Studio magazine (kakompetensiya sa Yes mag) ang exclusive coverage ini pero nalusotan siya.

Giklaro ni Claudine nga maayo ang relasyon niya sa press people ug iyang gihatagan ug importansiya ang ilang suporta niya.

* * *

Sa usa ka write-up nahisgotan nga wa pa gyud diay magka-uli si Gretchen ug Claudine Barretto bisan ug gipadagan na nila nga okey na sila. Daghan ang interesadong mahibawo kung motunga ba gyud kaha si Gretchen sa Jan 2006 wedding sa iyang sister kang Raymart Santiago.

* * *

Wa pa gyud mahuman ang kinihaay ni Philip Salvador ug Cristina Decena. Matud ni Cristina, gisaaran siyag kasal sa action star katong sila pa pero, kung hunahunaon, mas maayo na lang kuno ni or else hubas gyud siya. Iya sang nahisgotan ang dakong kwarta nga nagasto niya sa kampanya katong nidagan sa eleksyon si Ipe.

* * *

Tungod sa kadugay modesisyon hinayhinay nang nawagtang ang mga suitors ni Francine Prieto. Ang uban duna nay mga girlfriends nga lain. Duna man sad siyay mga nagustuhan pero gaduhaduha siya kung pakigrelasyon na ang estoryahan.

Sa karon career gihapon ang iyang priority. Hasta live singing iyang giapilan. Silang duha ni Rufa Mae Quinto nag-show recently diin gawas sa paseksihay, nanganta pa sila.

* * *

Sa interview ni Boy Abunda kang Dawn Zulueta, niangkon ang semi-retired actress nga wa siya maka-college kay galibog kuno siya unsang kurso ang iyang kuhaon unya nakatrabaho na sad siya. In fairness ni Dawn, articulate man siya, di mailhan nga high school graduate lang siya.