Anak ni Jolo wala nay apil sa movie

Out na sa cast sa Exodus (the tale of enchanted kingdom) ang anak nila ni Grace og Jolo nga si Gabriel gumikan sa kontrobersya nga nisagpa sa masig ka pamilya.

Gitinguha unta nga upat ka henerasyon sa mga Revilla ang ipakita sa maong pelikula nga maglakip ni kanhi Senador Ramon Revilla, Bong, Jolo og Gabriel.

Apan tungod sa kagubot tali ni Grace og Jolo nga hangtud karon wala pa hingpit nga masulbad, nakahukom ang mga Revilla nga laing bata nalang ang ilang gamiton.

Katunga na sa pelikula ang nahuman paggaling gumikan kay kinahanglan nga sayo kining makompleto tungod kay adto pa sa Bangkok gam-on ang special effects.

Ang maong pelikula nga dunay tie-up sa amusement park nga Enchanted Kingdom gitinguha nga malakip sa umaabot nga Metro Manila Film Festival karong Disyembre.