Melanie Marquez super happy

Walay kabutangan sa iyang kalipay ang kanhi Ms. International nga si Melanie Marquez karon gumikan kay hapit na ipasalida ang iyang bag-ong show sa channel 11.

Giulohan og Gng. Fashionista, ang nahisgutang show ipakita sa channel 11 karon pang umaabot nga Nobiyembre apan nakahuman na og taping balig duha ka episode ang nahisgutang beauty queen.

Ang Gng. Fashionista of course maghisgot sa mga uso sa natad sa kaanyag lakip na ang bag-ong style sa sinena diin dunay duha ka resident stylists nga mohatag usab sa ilang mga panahom.

Suma pa ni Melanie dugay na siyang nangandoy nga makabaton sa samang show aron mapaambit niya ngadto sa kinabag-an ang iyang nahibaw-an kalabot sa beauty og fashion.

Malipayon usab si Melanie gumikan kay padayon nga maayo ang rating sa showbiz stripped nila ni Ricky Lo nga makita matag Sabado sa gabii sa GMA-7.