Mosulay sila sa usa ka play

Pulos matawag og mga neophytes o nobatos sila si Jay R ug Iya Villania sa usa ka play busa matud nila, excited kaayo sila niining ilang giapilan karong usa ka musical play nga nag-ulohan og "Footloose" nga gibase sa usa ka pelikula kaniadto ni Kevin Bacon.

Kauban nila mao ang mga iladong mga theater performers nga sila si Audie Gemora ug Agot Isidro.

Usa usab ka musical film ang pelikulang "Footloose" nga maoy nakapabantogan sa mga awit nga "Footloose," "Let's Hear It," og "Holding Out For A Hero."

Iladong R & B singer si Jay R ug gawas sa daghan niyang mga commercials nga makita siyang nag-awit, anaa pa siya sa "Love To Love" sa GMA-7. Si Iya co-host sa "ASAP MANIA" usa usab ka MYX VJ, ug daghan usab og mga commercials. Ang maong musical play makita matag Sabado karong buwan sa Septiyembre. Ubos sa direksyon ni Chari Arespachocaga, ang mga sayaw gimugna ni James Laforteza. Anha kini sa Meralco Theater ug kon magmalampuson, ipasundayag sa Cebu.