Mga Bol-anon, walay star complex

Duha ka Bol-anon nga angayan na gyod unta nga maghunahuna nga star na sila, daw dili pa makaangkon niini, sila si Rebecca Lusterio ug Jerome Sala.

Si Rebecca Lusterio, samtang nagpadayon pa sa pagtuon, makita pa gyod kono nga mamaligya og mga gift items alang sa mga turista sa kabaybayonan sa Panglao, Bohol samtang si Jerome, mag-jeep pa gyod kono kon mopauli gikan sa unsang mga kalihokan og kon dunay paliton, mag-antos gyod og linya sama sa ubang mga mamalit sa usa ka convenience store bisan gabii na.

Si Rebecca kaduha na mapiling best supporting actress (sa "Muro Ami" ug sa "Panaghoy sa Suba") samtang si Jerome ang napiling grand champion sa Star In A Million ug nakalibot na sa laing nasud.