Nasikop nasad si Garfunkel

Human mo plead guilty ang 63-anyos nga singer nga si Garfunkel niadtong milabay'ng tuig sa paggamit niini og marijuana nasikop sa usab kini niadtong Domingo sa mao gihapon nga kalapasan.

Si Garfunkel nasikop sa mga awtoridad sa New York dapit sa Woodstock diin mipasutoy kini sa iyang sakyanan bisan og stop ang signal sa traffic light.

Ang mga awtoridad nakapanimaho og isog kaayo nga baho sa marijuana nga mialisngaw gikan sa sakyanan ni Garfunkel.

Ang mga awtoridad nakasakop usab og mga marijuana nga gisigarilyo diha sa ashtray sulod sa sakyanan sa actor.

Ang actor moatubang sa Town Court sa New York karong petsa 22 niining buwana.

Niadtong Enero 2004 gipamulta og $100 plus $100 nga state surcharge tungod sa kalapasan niini nga nabuhat.

Si Garfunkel half sa legendary duo nga Simon and Garfunkel.

Misikat usab ang actor sa mga hits niini uban ni Paul Simon sa "Bridge Over Troubled Water", "The Sound of Silence" ug "Scarborough Fair".