Dismayado karon si Ronaldo Valdez

Dismayado ang beteranong actor nga si Ronaldo Valdez kabahin sa panagbuwag ni Janno Gibbs ug Bing Loyzaga.



Dili kuno kinaiya ni Ronaldo Valdez ang manghilabot sa personal nga kinabuhi sa anak niini nga si Janno Gibbs.

Pero wala magpasabot nga dili siya apektado sa mga maagian nga mga pagsuway sa iyang anak.

Matud pa ni Ronaldo nga naguol siya sa panagbuwag ni Janno ug sa asawa niini nga si Bing.

"Nakakalungkot ... pero nandiyan na yan. Ganun talaga ang buhay, paminsan-minsan nagkaron ng gusot," matud pa ni Ronaldo.



Matud pa usab sa amahan nga wala siyay kalibutan sa mga isyu nga giatubang karon ni Janno ug Bing pero ang duha padayon pa sa ilang komunikasyon karon.

Si Ronaldo nanghinaot nga magkauli ang maayong kabubut-on sa duha.

Gikataho nga na link-karon si Janno sa mga younger stars, ni Sexbomb babe Jopay Paguia ug ni Christine Reyes nga manghud ni Ara Mina.