Maayo na kono si Rita

"Nabuntis, nakunan at na-depressed si Rita Avila." Mao kini ang balita pipila na ka buwan ang nakalabay ug may pipila ka balita nga mihisgot nga magdala na kono si Rita Avila og monyeka sa pipila ka party og ipaila niya nga mao ang iyang anak hinungdan nga may miingon na ang pipila ka mga tawo nga "nadaot na gyod ang pangisip ni Rita Avila" ang kanhi, ilado kaayong artista sa Seiko Films nga nakaplagan pinaagi sa FITA commercial.

Busa, gipangutana nako si Ricky Davao komusta na man si Rita nga apil man kaha diay sa pelikulang "Nasaan Si Francis" nga bitoonan ug co-producer pa si Christopher de Leon ug miingon si Ricky nga, "Okay na si Rita."