Cascades mopasundayag sa Manila

Mibalik sa Manila ang grupong Cascades para mopasundayag kini sa ilang mga hit tunes karong Septiyembre nuybe niining tuiga ngadto sa Araneta Coliseum.

Ang maong international hit group maoy mipasasikat sa kantang "Shy Girl" ug "Rhythm of the Rain" niadtong 1960.

Ang mga kanta sa Cascades gihangop gihapon kini karon sa mga Filipino.

Ang maong grupo mipahigayon og harana ngadto sa Malacañang sa milabayng adlaw.

Diin dugay na kunong gikahinaman sa grupo nga personal nilang mahaimat ug makantahan si Presidente Gloria Macapagal Arroyo.

Mipahinungod og short special number ang grupong Cascades sa pagbisita nila ngadto sa Malacañang diin miyembro sa first family ang ilang mga special audience.

Apan ang first family mibiya sa wala pa mahuman ang pasundayag sa Cascades.

Matud pa sa grupo nga nakita nila ang presidente nga misayaw uban sa pamilya niini atol sa ilang pasundayag.

Ug usa ka dakong oportunidad ang maong pasundayag diin dugay na kaayo kini nilang gipangandoy bisan og wala sila makahigayon og duol sa presidente.