Jerome love Mabel

Misibaw karon ang taho didto sa kaulohan nga nagkauyab na ang Star in a Million winner nga si Jerome Sala ug ang finalist sa nahigustang contest nga si Mabel Bacusmo.

Apan sa programang "Homeboy" niadtong Huwebes, giklaro ni Mabel nga flattered siya sa espesyal nga pag-tan-aw nga gipadangat ni Jerome ngadto kaniya apan dili pa siya andam nga modawat niini.

Matud ni Mabel nga bata pa siya kaayo sanglit nagpanuigon pa man siya og kinse anyos busa dili pa angayan nga mag-uyab -uyab ug mas maayo nga palabihon ang iyang career.

Samtang sa samang programa, giklaro ni Jerome nga buwag na sila sa iyang hinigugma nga taga-Bohol gumikan kay dili buot ang kanhi niya uyab nga mahimong babag sa hayag nga ugma sa singer.

Matud ni Jerome nga sa nilabay nga buwan pa ang nahitabong break-up og suma pa niya, gisakitan siya sa nahitabo apan nakabaton siya og alibyo tungod sa presensya ni Mabel kinsa kanunay niyang makauban sa mga shows.

Si Mabel lumad nga taga Baybay Leyte samtang si Jerome usaka Bol-anon. Silang duruha dinhi sa Sugbu mi-audition alang sa Star in a Million contest sa nakalabay nga tuig diin nalakip usab ang sugbuanon nga si Ryan Racal.